नेपाल बनाउने हो ?? केही प्रश्नका उत्तर दिनुस नेपाल आफै बन्छ ।

तलका प्रश्नका उत्तर दिनुस नेपाल आफै बन्छ ।

गालि गर्न कति राम्रो आउछ हामिलाइ, अझ विदेश बसेकाहरू को कुरै नगरौ एयरपोर्ट छिरे देखी नाक खुम्चाउँदै गालि गर्न तम्सन्छौं । नेता गतिला भएनन त्यसैले नेपाल नबनेको हो, म चाँही गतिलै छु नेपालको सिस्टम गतिलो नभएर हो सबैले दिने जवाफ यही हो । तपाइ हरेक ठाँउमा ठगिने उपभोक्ता भएर विचार गर्नुस । किनकी सबैले भन्छन उपभोक्ता ठगे तर तपाइ उत्पादक पनि हुनुहुन्छ । जस्तै ड्राइभर सेवा उत्पादक भयो तर होटलमा खाना खान, डिजल किन्न, गाडी बनाउन चाँही उ उपभोक्ता नै हुन्छ त्यस्तै सबै ठाँउमा लागु हुन्छ । उपभोक्ताको रूपमै सोचेर मलाइ (हरेक मलाइ) प्रश्न गरिएको छ यहाँ, सहि उत्तर दिनुस नेपाल बन्न करै लाग्छ ।

स्वमुल्यांकन तथा म कस्तो छु परिक्षा

बिषयः नेपाल समृद्ध बन्नु पर्छ          समयः १ महिना
सबै प्रश्न अनिवार्य छन ।

प्रश्न नं. १ के म सार्बजनिक बस घर अगाडी वा जहाँबाट पायो त्यहीबाट

हात उठाएर रोक्छु ?

प्रश्न नं. २ के म खानेकुरा खाएर चाउचाउ, विस्कुट, फलफुलको बोक्रा, पानीको वोतल सडकमा फाल्छु ? आफुले यात्राको दौरान वा कहीँ पनि उत्पादन गर्ने फोहर झोलामा राखेर डस्टविनमा राख्न सक्छु ?

प्रश्न नं. ३ के म किनमेल गर्न जाँदा घरैबाट झोला बोकेर जान सक्छु ? प्लास्टिकले वातावरणमा पार्ने असर मलाइ थाहा छ ?

प्रश्न नं. ४ के सार्बजनिक वसको सिट क्षमता र भाडादर मलाइ थाहा छ ? के क्षमता भन्दा बढी चढ्नु हुँदैन भन्ने थाहा नपाए जस्तो त गरेको छैन?

प्रश्न नं. ५ के म विना टिकट २।४ रूपैया छुट पाउने बाहनामा दुर्घटनामा परी हालियो भने घर परिवारले थाहा नपाउने गरी, विमा नपाउने गरी जोखीम लिएर सार्वजनिक यातायात चढेको त छैन ?

प्रश्न नं. ६ के म बाटो काट्न जेब्रा क्रसीङ, आकाशेपुल, सब वे उपयोग गरेको छु त ?

प्रश्न नं. ७ के मैले लाइन नबस्न चिनेको मान्छेलाइ टिकट लिइदेउ, वा दलाललाइ पैसा लिइदेउ मलाइ चाँडै गरीदेउ भनेको त छैन ?

प्रश्न नं. ८ के मेरो कर्जा कम पास हुने भो भनेर धितो मुल्यांकन बढाउन हाकीमलाइ चिया खुवाएको छैन ?

प्रश्न नं. ९ के मैले सामान खरीद गरेर पैसा नभएको चेक दिएको त छैन ? सामान लगेर व्यापारीलाइ वास्ता नगरी विर्सेको त छैन ?

प्रश्न नं. १० के मैले समानको भ्याट विल नलिएको त छैन ? पसलेले थप मुल्य लाग्छ भन्दा पत्याएर विल नै नलिइ हिडेको पो छु की ?

प्रश्न नं. ११ के मैले कर कम तिर्न अडीटरलाइ पैसा दिएर सेटिङ मिलाएको त छैन?

प्रश्न नं. १२  के मैले सुरक्षाको लागि भन्दा नि ट्राफिकबाट जरीवाना जोगाउने हिसाबले हेलमेट लगाएको त छैन ?

प्रश्न नं. १३ के मैले गाडी चलाउँदै गर्दा ट्राफिकले चिट काट्छ भनेर ट्राफिक देख्ने वित्तिकै सिटवेल्ट बानेको त छैन ?

प्रश्न नं. १४ के मेरो घर अगाडी बाटोमा परेको खाडल नपुरी सरकारलाइ गालि गर्दै हिडेको त छैन ?

प्रश्न नं. १५ के मैले बाटोमा ब्यापार गरेर बटुवालाइ अबरोध त पुराएको छैन ?

प्रश्न नं. १६ के मैले बिच बाटोमा गाडी पार्कीङ गर्ने गरेको त गरेको छैन ?

प्रश्न नं. १७ के मैले पसलको सामान पसल भन्दा बाहीर फुटपाथ सम्म प्रदर्शन गरेर अरूलाइ असुबिधा पुराएको त छैन ?

प्रश्न नं. १८ के मैले घर निर्माण सामाग्री बाटोमा थुपारेर यातायात अबरोध गरेको त छैन ?

प्रश्न नं. १९ के मैले पान गुटखा खाँदै बाटोमा थुक्दै, रक्सी, चुरोट सार्बजिनक ठाँउमा खाएर अरूलाइ नोक्सान पुराएको त छैन ?  

प्रश्न नं. २० के पढेर देशमा केही गर्ने भन्दा नी मैले छोरा छोरीलाइ अमेरीकाको सपना देखाएको त छैन ? पछी त्यही छोराले छोडेर गयो भनेर रोएको त छैन ?

प्रश्न नं. २१ के मैले सरकारी स्कुलमा पढाए पनि छोरा छोरी बोर्डिङमा हालेको त छैन ?

प्रश्न नं. २२ के म सानो विमार हुँदा पनि विदेशी डाक्टरको मा धाएको त छैन ?

प्रश्न नं. २३ के मैले सरकारले सित्तिमा दिएको औषधी मेडीकलबाट लेवल नहेरी खरीद गरेको त छैन ?

प्रश्न नं. २४ के विकासको काम भैरहेको बेला त्यसको बजेट, गुणस्तरको बारेमा मैले सोधेको छु त? कि काम समाप्ती पछी गाली मात्र गरेको छु ?

प्रश्न नं. २५ के मैले कम्पनी, संस्थान घाटामा गएपनि समान चोरेर, कमिशनमा सामान मिलाइदिएर, लुगाधुने, नुहाउने बजेट लिएको त छैन ?

प्रश्न नं. २६ के मैले कम्पनीबाट अरूले लिने भन्दा बढी सुबिधा (बिजुली, टेलिफोन, तेल,औषधी) सित्तिमा लिएको त छैन ?

प्रश्नहरू अनगिन्ती छन एक पटक आफैले आफैलाइ प्रश्न गरी चित्तबुझ्दो जवाफ दिनुस त । अझ विदेश चाहे खाडी होस चाँहे युरोप, अमेरीका नेपाल पस्ने वित्तिकै गालि गरेकै हुन्छौ। तर नेपालमा रहँदा हामीले उता दोहर्याएका काम, सजिलै झर्को नमानी गर्ने काम यहाँ बल मिचाइले गरेका त छैनौ ? म स्वयं नसुध्रीकन सिस्टम सुध्रिएन भनेर मात्र हुन्छ ? म चाँही हरेक कुरा छिटो, बलमिचाइ, घुस, विचरा भनेर गर्न सक्छु भने अरू किन नपाउनु ? किन अरू सुध्रनु पर्ने ? तर हामी भन्छौ अरू सुध्रेनन, सिस्टम सुध्रेन । प्रण गर्छु यस्ता १००० प्रश्न होलान तिनमा कम्तिमा १०० प्रश्नमा म सुध्रनु पर्छ अनी त देश कसरी सुध्रदैन म पनि हेर्छु । प्रशाशनलाइ, सम्बन्धित निकायलाइ प्रश्न गर्ने बानि सिक्नु छ, विकासका बारेमा जवाफ माग्छु नकी गालि, न की हडताल गर्छु ।  

म त सुध्रन्छु चाहे विस्तारै नै किन नहोस तपाइ नी?